Žodžiai dainai: Massimo Ranieri. Macchie 'E Culore. Canzona Appassiunata.

N'albero piccerillo aggiu piantato,
criscennolo cu pena e cu sudore...
Na ventecata gia mme ll'ha spezzato
e tutt''e ffronne cagnano culore...
Cadute so' gia 'e frutte: e tuttuquante,
erano doce, e se so' fatte amare...
Ma 'o core dice: "Oje giuvinotto amante,
'e ccose amare, tienele cchiu care..."
E amara comme si', te voglio bene!
Te voglio bene e tu mme faje muri...

Era comm''o canario 'nnammurato,
stu core che cantaje matina e sera...
"Scetate!" - io dico - e nun vo' sta scetato...
e mo, nun canta manco a primmavera!...
Chi voglio bene nun mme fa felice:
forse sta 'ncielo destinato e scritto.
Ma i' penzo ca nu ditto antico dice:
"Nun se cummanna a 'o core". E i' mme sto' zitto!...
E mme sto' zitto, si...te voglio bene...
Te voglio bene e tu mme faje muri..

Chiagno p'ammore, e cade 'o chianto mio
dint'a 'sta testa: 'o chianto 'a sta arracquanno...
Schioppa na bella rosa e i', pe' gulio,
a chi mm'ha fatto chiagnere nce 'a manno.
Lle dico: "Rosa mia tu mme perduone
si te scarpesarra senza cuscienza..."
Ce sta nu ditto ca mme da ragione:
"Fa' bene e scorda e si faje male penza..."
Penzace buono si...te voglio bene...
Te voglio bene e tu mme faje muri...